Feature

Srimad Bhagavad Geeta Saar

November 16, 2018 11:53 AM

Srimad Bhagavad Geeta Saar

• Kyo vyarth ki chinta karte ho? Kisase vyarth darte ho? Kaun tumnhe maar sakta hain? Aatma na paida hoti hain, na marti hain.

• Jo hua vah achcha hua, jo ho raha hain, vah achcha ho raha hain, jo honga, vah bhi achcha hi hoga. Tum bhut ka pashchatap na karo,bhavishya ki chinta na karo. Vartman chal raha hain.

• Tumhara kya gaya, jot um rote ho? Tum kya laye the, jo tumne kho diya? Tumne kya paida kiya tha, jo nash ho gaya? Na tum kuch lekar aaye, jo liya yahi se liya. Jo diya, yahi par diya. Jo liya, bhagavan se liya. Jo diya isi ko diya.

• Khali hath aaye aur khali hath chale. Jo aaj tumhara hain, kal kisi ka tha, parso kisi aur ka hoga. Tum ese apna samajh kar magn ho rahe ho. Bas yahi prasannata tumhare dukho ka karan hai.

• Parivartan sansar ka niyam hai. Jise tum mrutyu samajhate ho, vahi to jivan hain. Ek kshan me tum karodo ke swami ban jate ho, dusare hi kshan me tum daridra ho jate ho. Mera – tera, chota – bada, apna – paraya man se mita do, phir sab tumhara hain, tum sabke ho.

• Na yah sharer tumhara hai, na tum sharer ke ho. Yah agni, jal, vayu, pruthvi, aakash se bana hain aue asi me mil jayega. Parantu aatma sthir hain – phir tum kya ho?

• Tum apne aapko bhagavan ko arpit karo. Yahi sabse uttam sahara hai. Jo iske sahare ko janata hai vah bhay, chinta, shok se sarvda mukt hai.

• Jo kuch bhi tu karata hai, use bhagavan ko arpan karta chal. Aisa karne se sada jivan-mukt ka aanand anubhav karega.

Have something to say? Post your comment
Copyright © 2016 AbhitakNews.com, A Venture of Lakshya Enterprises. All rights reserved.
Website Designed by Mozart Infotech